— 67 —
menanti lebi doeloe, dan kasi berboenji meriam 1 kali dengen sediaken barisan.
Itoe waktoe kira poekoel 1 tenga hari Radja Lie Sie Bin dengen panglima prangnja bikin pesta, senang hati minoem, sampe tenga malem poekoel 12 kabetoelan ada soldadoe masoek kasi lapor berkata: ja Gwanswe tjilaka besar! di blakang benteng ada api, terkabar di sebla oedik, ada 2 barisan moesoe lagi mendatengin.
Setela Gwanswe Tjin Siok Po denger laloe mendjadi kaget sampe dia poenja kringet kloear berketel-ketel, sesoedanja ja liat sendiri ja berkata: O! betoel tjilaka, dengen sebentar sadja api kliatan soeda naek stenga langit, dan dia poenja barisan soeda kalang kaboet. Tjie Bouw Kong laloe berkata: ja sekarang kena moesoe akalin dan masing-masing lekas naek koeda djaga Radja hati-hati, sekalian Gwanswenja naek koeda bawa dia poenja pekakas toembak kloear dari dalem benteng, dan Oetti Kiong dengen anaknja berdoea naek koeda kloear dari benteng ada 4 panglima prangnja djoega menoeroet kloear, sampe tiada keboeros bawa pekakas boeat djaga pada Radja, dan Thia Kauw Kim bawa kampaknja dari benteng angkat kepala ja liat di sebla kidoel soeda kalang kaboet, dan di wetan koelon 2 tempat ada soldadoe dengen obor trangnja seperti sijang, pana api datengnja seperti petasan, di
