— 68 —
4 pendjoeroe ada berpoeloe riboe soldadoe lagi mendatengin aken mengamoek kalang kaboet. Itoe tempo radja Lie Sie Bin poenja soldadoe soeda riboet, orang jang kena loeka dan jang mati soeda tiada bole ke-itoeng.
Waktoe itoe radja Lie Sie Bin berkata kepada Tjie Bouw Kong: ja Koensoe, sekarang begimana?
Tjie Bouw Kong djoega tiada ada akal lagi, lantas kasi prenta bala tantaranja masoek ka dalem kota Bok Yang Shia boeat sebentar sadja, dan ini soldadoe di mana brani masoek, itoe tempo djadi kalang kaboet, ada jang lari dan ada jang masoek dan semoea panglima prang masi djoega djaga radja berame masoek dalem kota, lantas toetoep itoe 4 pintoenja dan angkat djembatan gantoeng, itoe malem amat roesoe di dalem kota Bok Yang Shia.
Tjerita di loear kota Gwanswe Tjouw Kie Loen liat moesoe soeda masoek lantas ja soeka hati sembari berkata: ja sekarang moesoe soeda kena kita akalin, lantas ja prenta orangnja kiri kanan ketjil besar di 4 pintoe kota djaga kras soepaja djangan kasi satoe orang bisa kloear, siapa jang tiada toeroet ini prenta troes di potong kepalanja. Hoe tempo kota Bak Yang Shia terkoeroeng seperti orang soempe tahang aer saketes tiada bisa kloear, dan dari loear berboenji 3 kali mariam radja Po Kong Ong dengen mantrinja nama
