— 66 —
sampe di kota Bok Yang Shia, dan soldadoenja kasi taoe jang soeda sampe di ko a Bok Yang Shia dengen pintoe kotanja tingal terboeka blon taoe apa glagatnja.
Serta Gwanswe Tjin Siok Po denger lantas ja menanja pada koensoe Tjie Bouw Kong dengen basain pangil djiko: ini moesoe tape dia ke akal apa ?
Tjie Bouw Kiong sahoetin: O! ini akal dia bikin kosong kotanja soepaja kita bole masoek, djikaloe soeda kita masoek dari leear dia poenja soldadoe lantas koeroeng boeat tahan kita poenja ramsoem, itoe djangan kita madjoe, sekarang disini sadja kita bikin benteng.
Itoe tempo ada Thia Kauw Kim dapet denger ja lantas tjampoer berkata: ja Tjie djiko bitjara djoesta sadja, apa akal kota kosong, tiada oesa ambil perdoeli, kerna ini moesoe takoet pada kita masing-masing lari, dia denger kabar jang kita dateng lantas dia tingal ini kota, di mana dia ada itoe akal boeat bikin kota kosong! nanti besok pagi kita masoek di dalem kota troes ganti dia poenja bandera, bole kita lekas poelang
Tjie Bouw Kong berkata lagi: ja, apa akoe tiada taoe? Siapa soeroe kau tjampoer banjak bitjara ? Lantas sadja Gwanswe Tjin Siok Po prenta balatentaranja ketjil besar soepaja djangan masoek, tingal disini sadja bikin benteng boeat
