— 344 —
ada berbaoe wangi, dan orang-orang jang berada di deket panggoengnja, semoea toeroet mambaoein.
Kembali penonton-penonton djadi bersoerak rioeh sembali tepok-tepok tangan.
Kwe Keng liat ilmoenja kena dipoenain lagi, djadi bertamba goesar dan sekarang ia ambil papan Lengpay jang tergantoeng di poendaknja dan ketok itoe hikmad tiga kali sambil membentak dengen satoe soeara. Berbareng itoe di oedara kadengeran soeara gemoeroe seperti goenoeng ambrak.
Dalem itoe saät djoega lantas kaliatan dari langit sakoempoelan barang koening, jang didoega mega, tapi boekannja mega. Barang ini mendatengi begitoe tjepet dan waktoe soeda deket baroelah kataoean bahoewa jang didoega mega itoe adalah sakoempoelan taon koening.
Sabagimana doeloean, ini kalo poea Kwe Keng toendjoek dengen djeridjinja ka djoeroesan Koeton, dimana itoe taon-taon lantas terbang hamperi Oan Swie boeat diantoep.
Tapi ini orang sakti soeda bersadja. Kerna djaoe-djaoe waktoe liat itoe berjoeta-joeta taon moelai mendatengi, ia laloe kaloeanken satoe moestika batoe dari sakoenja, dan waktoe itoe binatang-binatang aloes soeda deket, moestika itu laloe dilempar ka atas, jang itoe saät lantas toeroen oedjan besar.
Itow taon satelah kena katimpa aer oedjan, lan-
