— 343 —
kaliatan poeti. Kapalanja ada sabesar gantang dan matanja mera, dengen mengaloearken sorot api.
Waktoe itoe oeler sampe, di itoe tempat lantas berbage engas. Kwe Keng menoendjoek ka panggoeng sebla Koelon dengen ia poenja pedang, dan itoe oeler jang lagi membelit-belit di atas tana, lantas terangkat naek dan dengen berlegot-legot ia menghamperi ka tempat jang dioendjoek.
Waktoe ampir deket sampe di itoe panggoeng, binatang berbisa ini lantas menjemboer dan toebroek pada Oan Swie, jang satelah kena, lantas dililit.
Penonton-penonton semoea djadi lebi takoet dari pada pemandangan jang tadi. Orang-orang prampoean dan anak-anak kabanjakan boewang moeka, lantaran takoet hoeat ameliat itoe kadjadian jang sasoenggoenja amat menakoetin hati. Itoe wak toe Hoensi Moöng Oan Swie kaliatan soeda dililit seantero badan dan lehernja, kamoedian itoe oeler kaloearken lidanja jang ketiil seperti lidi dan bertjabang doea.
Lida itoe kaliatan masock ka lobang idoengnja Oan Swie, tapi orang jang dikilik idoengnja tinggal diam sadja, tida berontak atawa bergerak, hingga orang doega djiwanja tentoé bakal binasa.
Tapi heran, waktoe Oan Swie fioep sadja, oeler jang lagi membelit-belit itoe djadi terlepas dan kamoedian djato ka bawah panggoeng dan poelang asalnja djadi salembar roempoet alang-alang.
Itoe hawa jang kaloear dari moeloetnja Oan Swie
