— 342 —
berbareng itoe, di lapangan lantas terdenger soeara treakan jang menjataken rasa mengeri.
Tapi Oan Swie jang maoe ditjengerem lantas menoendjoek dengen djeridjinja dan menjentak dengen soeara keras:
„He, binatang koerang adjar! Apa kaoe tida maoe lekas poelang ka asalmoe?“
Sahabisnja membentak begitoe, dalem itoe saat djoega matjan jang besar itoe lantas linjap dan di oedara ada kaliatan salembar kertas koening jang djato ka bawah. Dari sini djadi ternjata, jang harimau itoe tertjipta dari soerat isim.
Oedara poen moelai terang kombali sabagimana tadi, hingga penonton jang tadi kaliatan katakoetan, sekarang djadi girang dan pada bersoerak sambil menepok tangan.
Kwe Keng Todjin jang meliat ilmoe telah dibikin poenah, djadi amat goesar pada itoe satroe, dan laloe kaloearken satoe genta ketjil dari dalem badan, jang lantas digojangken berkali-kali sambil membatja dowa.
Berbareng itoe lantas terdenger soeara keras di atas oedara. Kamoedian terliat sakoempoelan asep itam jang melajang-lajang toeroen ka bawah dan sasampenja di depan panggoeng, asep itoe lantas boejar dan di dalemnja kaliatan saekor oelar itam jang amat besar sambil melilit-lilit.
Pandjangnja oelar itoe ada sakira toedjoe atawa delapan depa. Badannja boelet seperti poehoen pinang. Sedeng badannja item legam, peroetnja
