— 72 —
roepa-roepa pigoera jang berharga mahal, hingga siapa jang masoek disitoe tentoe rasaken dirinja sedeng berada didalem sorga.
Disatoe medja boender jang dikiterin oleh ampat korsi mahal, Koei Hoa taro itoe Eau de Cologne, kamoedian lampoe electris dipademken, diganti dengen lampoe tempel soepaja dalem itoe kamar tiada djadi gelap goelita.
Plahan-plahan Thian Hok djadi ilang mabok, tinggal iasaken kepalanja sedikit berat, ia laloe melekin niatanja, ia djadi terkedjoet bahoea dirinja sekarang ada didalem kamar jang terrias netjis. Lebi lebi iapoenja kaget, koetika rasaken dirinja ada atas pangkoean Koei Hoa jang manis.
„Engke Thian Hok,“ kata Koei Hoa dalem bahasa Siam, „apa kau loepa padakoe jang doeloean kau soeda toeloengin tempo akoe dapet mabok laoet dikapal? Akoe trima boedimoe kliwat berat, senantiasa pikirin sadja itoe boedi, baroe sekarang akoe bisa bales, maka akoe harep kau djangan djadi ketjil hati boeat tinggal sabentaran di kamarkoe jang djelek“.
„Djangan kau koeatir pada empe Kim Sioe, sebab ia sendiri jang soeroe akoe bawa padamoe kamari, jang brangkali kaloe ia tiada soeroe, tentoe akoe bawa djoega lantaran akoe ada trima boedimoe jang besar itoe,“ meneroesken Koei Hoa koetika liat Thian Hok tinggal bisoe. „Kaloe ka-
