— 54 —
ada banjak orang bikin plesiran dengen di iringken tetaboean, ada djoega jang berpakean seperti orang dieman doeloe dan roepa-roepa.
Jang paling banjak orang berplesiran dengen menoenggag gadja, binatang mana ada banjak djoemblanja di Siam.
Diwaktoe maleman pendoedoek di antero tengkoewoek pada kaloear djalan-djalan ada jang tjoema menonton sadja, atawa menjaroe menoeroet soekanja masing-masing, paling teroetama kongtjoe-kongtjoe idoeng poeti jang paling girang, kerna bisa dapet liat banjak prempoean berpakean bagoes atawa pili gadis siapa jang paling tjakep, selaen dari itoe banjak koepoe koepoe pada saliweran pergi-dateng.
Hari keramean soeda ditetapken aken dibikin Tjap-dji-gweo Tjap-lak.
Djalannja hari ada sanget tjepet seperti djoega kitiran, tiada dirasa lagi harian itoe sampe. Toekang permaenan sanget ripoe bikin persediaan apa jang perloe, orang dagang ripoe oeroes dagangan, kongtjoe kongtjoe sedeng iboek pili pakean apa jang bisa menarik hatinja prempoean prempoean moeda, sedeng sebaliknja koepoe koepoe malem sedeng bingoeng poepoerin moekanja dan berpakean bagoes serta tjipratin wangi-wangian dibadannja, soepaja orang orang lelaki jang gila basa djadi tergioer hati.
