— 53 —
Doeloean si toea bangka soeda perna njataken pada kita, antero harta dari toko diseraken pada Thian Hok kaloe oemoernja soeda sampe.
Menoeroet katanja koeli dari toko Hiap Tjiang, itoe toko ada berharga sama sekali doea ratoes riboe dollar. Kaloe menoeroet atoeran, moesti dibagi pada anak kita setidanja toedjoe poeloe riboe."
Berpikir sampe disini, ia treakin boedjangnja aken ambil tempat siri, kerna sampa siri jang tangoenja soeda abis.
„Kita poenja anak, Liem Thian Soe, sekarang soeda beroesia doea blas taon dan masi ada dibangkoe sekola di negri Tiongkok," berpikir lebi djaoe itoe iboe tiri sasoedanja soeap satoe tampinan siri.
„Kaloe akoe tiada berichtiar dari sekarang, tentoe Liem Thian Soe tiada kebagian. Maoe toenggoe kapan lagi kaloe boekan dari sekarang? Toenggoe Liem Thian Hok anak dangkalan, akoe kasi kau poenja bagian!"
Sembari ia oetjapken ini perkataan, tangannja mengepal ngepal, saola olah orang jang sedeng mara, sabentar bentar ia banting kaki seperti orang menjesel.
**
Menoeroet kabiasaan pendoedoek di negri Siam, dalam tigataon sekali ada bikin keramean seperti kita pesta Tjap go me, diwaktoe mana
