— 48 —
kapoenjahan ajahnja Thian Hok, dimara dengen sabentar itoe toko soeda keliatan, kerna perpanja tiada sebrapa djaoe. Djoestroe Liem Sie An sedeng ada didalem toko mengoeroes barang barang jang baroe sampe, satelah liat pada Nio Sain dan Thian Hok boeroe-boeroe Sie An prenta koelinja toeroenken barang-barang dan toentoen tangannja Nio Sam diadjak ka dalem toko Thian Hok sasedanja sodja pada ini orang toea dan pada Nio Sam laloe berdjalan masoek oeroesken iapoenja barang-barang.
Sasoedanja menanjaken keslametan masing-masing Nio Sam berpamitan pergi dan berkata :
„Kerna banjak kerdjaan jang moesti dioeroes, akoe harep kau tiada djadi ketjil hati kaloe akoe tiada bisa lama diam disini. Nanti sadja kaloe ada tempo senggang, akoe dateng kombali ka toko moe, boleh kita orang bitjara-bitjara dengen laloeasa."
Liem Sie An taoe Nio Sam moesti oeroes banjak kaperloean orang poenja soerat-soerat, maka ia tiada brani tahan, dan satelah mengoetjap banjak trima kasi soeda anterken pada Thian Hok sampe di Siam dengen slamet, laloe ia anterken pada Nio Sam sampe diloear pintoe berdoea Thian Hok.
Dan satelah Nio Sam berdjalan djaoe, baroelah ini anak-bapa masoek kombali.
**
Moelai dari itoe hari Sie An adjar Thian Hok
