— 47 —
Hok rasakon itoe koewe ada enak sekali (Tentoe sadja. Anak siapuuuuu! Let. zett.), hingga ia memoedji didalem hati, boekan sadja romannja tjantik, masakannja djoega enak.
Masing-masing ini doea orang moeda ada simpen pengrasaan tjinta satoe sama laen, tetapi tiada bisa njataken ini katjintaan, kerna Thian Hok takoet pada Nio Sam dan ajahnja, sedeng Koei Hoa takoet pada si batauw. Satoe waktoe apa marika bisa ketemoe? Dan ini ada perkara dibagian laen jang kita aken toetoerken.
**
Sasordanja teroembang ambing ditenga laoetan satoe minggoe lamanja, pada soeatoe hari sampelah kapal diplaboean Siam. Dimana satelah Nio Sam kasi slamet tinggal pada laen-laen penoempang, berdoea Thian Hok laloe beresken barang-barangnja dan toeroen ka darat.
Thian Hok liat itoe sakawan prempoean poen toeroet toeroen bersama-sama. Sesampenja didarat masing-masing berpentjar djalan. Thian Hok liat Koet Hoa awasken padanja tiada bisa soega, saolah-olah mengasi slamet berpisa. Hatinja Thian Hok tiada tega pada Koei Hoa, tetapi ia tiada bisa bikin apa-apa; maoe tiada maoe toch moesti berpisa djoega.
Satelah beres bajar koelian, Nio Sam sewa satoe kandaran menoedjoe ka toko merk Hiap Tjiang
