— 49 —
dalem perkara dagang. Harganja barang-barang jang ada di itoe toko Sie An kasi taoe sama sekali. Lantaran Thian Hok ada satoe anak jang berotak terang, apa jang diadjarken ia simpen didalem otak, hingga dalem tempo tiada berapa hari soeda boleh diandelken djaga toko bersama-sama koeli.
Sie An djali sajang sekali pada Thian Hok, jang tiada taoe kaloear djalan-djalan diwaktoe malem, hanja diam didalem roema dengen batja boeko. Sabetoelnja Thian Hok boekan tiada maoe djalan-djalan, hanja ia takoet pada bapanja jang begitoe bengis tiada seperti di Bwe-koan ia boleh ngabrak ka mana soeka lantaran iboenja sanget sajang hingga ia djadi aleman dan ngaloendjak.
Kadang-kadang diwaktoe malem sendirian didalem kamar, Thian Hok inget pada Koei Hoa, jang koetika toeroen di plaboean soeda awasken padanja dan kasi liat mesemnja jang manis; didalem kapai Koei Hoa kasi koewe padanja; begimana ia soeda toeloeng diwaktoe Koei Hoa dapet mabok laoet dan begimana Koei Hoa soeda dipoekoel oleh si batauw jang kedjem.
Kaloe Thian Hok inget Koei Hoa dipoekoel, hatinja ada gemes sekali pada itoe batauw, sebaliknja inget Koei Hoa poenja peroentoengan begitoe djelek, ia merasa kesian sekali. Tetapi bila terkenang dengen Koei Hoa poenja roman jang tjan-
Liem Thian Hok No 4
