— 29 —
nja jang njenjak jang laen bangsa ada pandang hina pada kita. Kaloe sateroesnja bangsa kita bisa ragem, seperti sekarang ada didiriken kongsie pelajaran, ampir bisa ditentoeken kemadjoean negri dan deradjat kita tiada dipandang dengen mata sipit oleh laen bangsa."
**
Diantara itoe penoempang-penoempang ada keliatan doedoek delapan prempoean moeda dan doea preraipoean toea, satoe antaranja ada satoe jang ramboetnja dikepang (tauwtjang) kira-kira oemoernja baroe ampat atawa lima belas taon, potongan badannja ada bagoes dan ramping, itoe ramboet jang terkepang keliatannja aloes, menandaken pranginja poen ada begitoe djoega, bibirnja mera, kaloe tertawa ada keliatan berbaris gigi jang poeti seperti moteara dan terhias dengen doea soedjen, orangnja ketjil, djalannja elo.
Pendeknja kita maoe bilang, maski orang jang begimana toea tentoe memoedji dihati dari kaeilokannja itoe nona moeda jang membikin ngiri pada laen-laen prempoean.
Tetapi heran, sekalian penoempang kapal selaloe kasak koesoek pada temen-temennja dengen tiada ketaoean apa jang dibitjaraken sembari tarik napas jang menandaken iapoenja menjesel hati, kaloe meliat padanja, satoe hal membikin Thian Hok djadi tjoeriga.
