— 28 —
Tionghoa, maski djoega tiada djadi belajar, seandenja kepaksa menoenggoe lantaran kapal kongsie kita tiada ada tempat lagi."
Nio San poenja bitjara ada dengen soenggoe hati, ia bitjaraken itoe dengen sanget gemas keliatannja, kerna merasa ketjiwa sekali bangsa Tionghoa soeda dibikin soesa oleh kongsie kapal kapoenjahan bangsa Europa, maski ada oewang boeat bajar. Maka ia merasa soekoer bangsa kita soeda ada poenja itoe hati kerageman aken diriken kongsie kapal sendiri, dengen begitoe bangsa Tionghoa tiada terlaloe soesa lagi kaloe moesti menjebrang laoetan boeat mentjari sasoeap nasi oempamanja atawa dalem kaperloean laen.
Antero penoempang Tionghoa di itoe kapal, rata-rata moefaket dengen omongannja Nio Sam, maka sala satoe diantara itoe penoempang telah berkata :
„Memang betoel sekali. Sebegitoe lama bangsa kita manda diri boeat dipermaenken begitoe roepa, akoe rasa sebegitoe lama djoega kita dipandang renda. Bangsa kita tiada koerang jang hartawan, kaloe masing-masing orang kaja kaloearken oewang boeat menoendjang, sedeng jang miskin kaloearken tenaga, bisa dipastiken bangsa kita bisa diriken lebi banjak lagi peroesahan, dari sebagimana adanja sekarang. Roepa-roepanja sekarang bangsa kita soeda mendoesin dari tidoer-
