— 30 —
„Kenapatah orang soeda mesem menghina kaloe meliat padanja," berpikir Thian Hok didalem hati. „Menoeroet akoe poenja pemandangan itoe rona ada sampe tjakep dan tentoe bisa tergioerken hati lelaki maski meliat satoe kali sadja lantaran iapoenja kaeilokan. Inilah soenggoe sangat heran, tentoe ada apa apa jang menjelip perkara aneh atawa laen-laen hal. Baek akoe nanti tjari taoe."
Koetika Thian Hok toeroen ka kapal soeda dipesen oleh Nio Sam djangan soeka bitjara pada laen-laen penoempang apa poela pada penoempang prempoean, kerna Nio Sam koeatir Thian Hok koerang pikir nanti toeroetken hatinja jang tiada karoean aken berlakoe sembrono, lantaran boedjoekan manis. Ini nasehat Thian Hok oekir betoel betoel diotak. Tetapi itoe perhatian jang sekarang roepanja bakal linjap dari otaknja, kerna moelai dari itoe waktoe, ia selaloe soeka beromong. omong pada laen laen penoempang maksoednja aken tjari taoe halnja itoe prempoеan moeda, sebab merasa heran selaloe orang pada mesem menghina kaloe meliat pada si eilok.
Pada soeatoe hari koetika kapal sedeng menerabas ombak-ombak jang besar dengen kakoealan masinnja, dan berdjalan zonder mengoerangken katjepetan, iseng-iseng Thian Hok berdiri diloneng, kapal, memandang keadaan jang mengasi liat keangkoehannja pada menoesia, boeroeng--
