— 205 —
blon orang djodoken lebi doeloe orang serepin doeloe ini anak ada asal toeroenan siapa. Begimana Thian Hok kaloe akoe kawinken kau dengen itoe anak prempoean jang doeloean akoe soeda damiken?”
Thian Hok memang ada satoe anak jang denger kata dan takoet pada orang toeanja, ketambalian ada itoe kabar djelek dari Hap Hoen tentang dirinja Koei Hoa, maka dengen kepala toendoek ia kasi 'njata maoe menoeroet apa kahendaknja si orang toea, hingga Liem Sie An djadi girang, laloe prenta istrinja bitjaraken itoe perkara djodo pada anaknja soedagar Tjoen Kiat jang doeloean ia soeda perna bitjaraken boeat Thian Hok.
Tiada berselang bebrapa lama orang dapetken roemanja Liem Sie An telah dipadjang bagoes seperti orang jang hendak bikin pesta. Betoel sadja tiada sala ini doegahan, kerna Liem Sie An telah nikaken Thian Hok dengen anaknja itoe soedagar.
Berselang kira-kira stenga boelan orang liat Liem Thian Hok telah djaga toko ajahnja di Bwekoan berdoea istrinja jang eilok.
Thian Hok idoep berdoea istrinja dengen manis. Pada soeatoe hari selagi Thian Hok ada dalem sempet, ia telah menoelis soerat pada Koei Hoa di hotel Ting-nan. Dalem soerat Thian Hok kasi taoe jang Koei Hoa tiada oesa harep lagi padanja, kerna sekarang ia soeda kawin. Djoega
