— 192 —
sama kau blon perna terbit pertjidrahan, kenapa kau maoe tjampoer ini oeroesan?”
„Setan alas, kau tiada oesa minta ampoen pada akoe, binatang!” membentak Tiong Djin, „kau moesti minta ampoen pada Thian Pouw, mengarti?”
Sembari kata begini, Tiong Djin tepok tangannja doea kali, keliatan dari blakang pintoe jang tadi bekas Tiong Djin lompat kaloear saorang moeda dengen berpakean serba item.
Hek-kat satelah meliat ini orang mendadak djadi roeboeh ka tana dengen bertreak: Liem Thian Pouw!”, berbareng dengen ini keliatan Tong Kim Sioe poen tjelentang dengen tiada inget orang Thian Pouw prenta sekalian boedjang-boedjang jang di itoe koetika telah kasima dan tiada taoe apa marika moesti berboeat, boeat ambil aer goejoer kepalanja itoe doea menoesia. Ini prenta telah dilakoeken dengen tiada banjak tjerewet oleh itoe boedjang-boedjang, jang satelah dapet timba doea kaleng minjak tana aer soemoer laloe ditoeang ka badannja Tong Kim Sioe dan Hek-kat.
Plahan-plahan ini doea menoesia keliatan bergerak, boleh djadi lantaran kedinginan, tetapi marika tiada brani melekin mata dan bangoen doedoek. Tiong Djin jang meliat begitoe soeda tiada tahan sabar, laloe atjoeng blatinja maoe menikem, tetapi sablonnja ini blati melajang ka badannja
