— 193 —
Kim Sioe lebi doeloe soeda Thian Pouw tjega dengen berkata:
„Sabar, Tiong Djin, sabar, tiada goena ini doea menoesia moesti kita tjoetji dengen blati, kerna tjoema-tjoema kita djadi terhoekoem zonder rasa, akoe ada poenja atoeran laen jang lebi sampoerna, boeat menghoekoem padanja sebagi tontonan dihadepan orang banjak.”
Tiong Djin denger begitoe soeda oeroengken niatnja, dan dengen kakoeatannja ia gabroekin ini doea menoesia diatas divan, soepaja marika bisa doedoek dengen betoel.
„Hek-kat dan Tong Kim Sioe, akoe tiada njana sekali kau bisa lakoeken ini perboeatan jang tiada patoet membikin noda namanja orang she Liem. Kau Kim Sioe sebagi ajahkoe poenja penggawe, blon perna sekali-kali ajahkoe berboeat hal-hal padamoe jang bisa membikin sakit hati atawa laen-laen sebab jang djadi lantaran kau simpen dem-deman. Begitoepoen kau Hek-kat dalem sakean taon kau kawin pada ajahkoe hingga dapet anak Thian Sioe, blon perna akoe denger jang ajahkoe perlakoeken tiada sebagimana moesti, malah ajahkoe sajang kau melebiken dari istrinja jang ada di Tiongkok jaitoe iboekoe, kenapa kau moesti lakoeken ini perboeatan jang tiada pantes? Akoe ada endahken kau sebagi iboe kadoea dan selaloe menaro hormat padamoe, kenapa kau ada poenja
Liem Thian Hok No 13
