— 19 —
jang terkenal. Dan penoempang-penoempang baroe djadi legahan hatinja, kerna selandjoetnja dari itoe tiada ada lagi perdjalanan jang begitoe berbahaja, dan perdjalanan lebi djaoeh soeda boleh digoenaken lagi lajar sebagimana biasa.
„Itoe kali Hong Laij Thoa ada paling berbahaja boeat praoe-praoe jang moesti liwatin itoe tempat," kata Nio Sam pada Thian Hok dan laen-laen penoempang jang di itoe koetika sedeng berkoempoel moelai pasang omong. „Doeloe ada satoe anak sekolaan lantaran koerang ati-ati soeda katjemploeng di itoe kali dan tiwas djiwanja."
„Ja, akoe soeda denger itoe kabar," menjaoet sala satoe itoe penoempang praoe. „Akoe dapet denger oemoernja itoe anak sekola baroe delapan belas atawa sembilan belas taon dan blon mempoenjai istri. Menoeroet tjeritanja saorang jang kenal padanja, oleh ajah dan iboenja ia maoe dinikaken, tetapi ia soeda toelak lantaran gadis jang dilamarken ia tiada penoedjoe. Ia kata tjari satoe gadis boeat istrinja, ia tiada maoe kaloe dari lamaran orang toeanja, kerna ia maoe tjari sendiri pasangan jang ia penoedjoe, dengen begitoe, menoeroet katanja, dikamoedian hari ada apa-apa jang diboeat panjeselan, ia tiada bisa sesalken pada iboenja, hanja ada lantaran peroen- toengannja jang djelek, soeda dapet istri jang tiada tjinta padanja. Maka itoe ia adjak iboenja
