— 20 —
ka laen negri boeat tjari gadis jang dipenoedjoe, tetapi apa latjoer satelah praoe jang ia toempangken sampe di kali Hong Laij Thoa, kakinja terpieset dan djato dari praoe terbawa oleh deresnja aer hingga djadi binasanja."
Iapoenja iboe jang di itoe koetika ada diblakang praoe, satelah dapet taoe anaknja soeda katijemploeng dan tentoe moesti mati, dengen sigra menangis bergoeling-goeling, ampir sadja ia tjeboerken diri, kaloe tiada keboeroe orang banjak pegang padanja dan kasi nasehat peroentoengan menoesia soeda ditakdirken oleh Allah, maka kaloe iapoenja anak soeda mati katjemploeng itoelah memang soeda ditoelisken, tiada goena terlaloe dikeselken hingga maoe abisken djiwa sendiri. Satelah diboedjoek sakean lama, baroelah keliatan itoe orang prempoean ada sedikit sabaran lakoenja. Akoe tiada taoe berapa banjak aer mata jang ia soeda koetjoerken di itoe waktoe, kerna akoe denger seantero hari ia menangis teroes, sampe matanja djadi bengoel dan tiada maoe makan sebidji nasi."
Sekalian penoempang denger begitoe pada mengela napas, kerna roepanja marika poen toeroet terharoe meliat peroentoengannja itoe iboe dan anak.
„Kita orang teroesa pangenin laen orang poenja peroentoengan," kata Nio Sam pada itoe se-
