— 18 —
mati, boeat mana maski ia tangisken padakoe sampe kaloear aer mata dara toch pertjoema-tjoema sadja. Koetika maoe brangkat akoe ada girang sekali, tetapi sekarang akoe baroe taoe, begimana soekernja orang belajar."
Tetapi," berpikir kamoedian Thian Hok, „masa akoe sendiri jang mati, toch laen-iaen orang djoega jang ada di ini praoe toeroet djadi oempannja ikan, kenapatah akoe moesti takoet baroe alamken perdjalanan jang sedikit soeker, sedeng Columbus toch soeda lajarken laoetan bilang iboe paal djaoenja, ia tiada merasa koeatir apa-apa, hanja seraken peroentoengan ditangan Allah, achirnja dengen kakerasan hati dia bisa dapetken maksoednja satoe binoea baroe jang sekarang diseboet Amerika, sebagimana akoe soeda tjeritaken pada iboe-koe koetika akoe masi ada diroema, menoeroet katanja akoe poenja goeroe di sekola. Biarlah sekarang akoe poen seraken sadja djiwakoe ditangan Toehan."
Lantaran berpikir begini, Thian Hok djadi taba hatinja. Tetapi tiada oeroeng kringet dingin masi mengoetjoer dibadannja bekas tadi kaloear koetika ada dalem kakoeatiran.
Beroentoeng anak-anak praoe ada sampe pande djalanken praoenja, kerna satelah dengen soesa soeda bisa liwatin djoega itoe tempat jang penoeh bahajanja dengen iapoenja batoe-batoe karang
