— 166 —
„Soeda boeat apa kau terlaloe pikirin,” kata Hek-kat dergen poera-poera menghiboer, „orang mati memang soeda takdirnja, tjoema akoe harep kau di perdjalanan poelang tiada koerang soeatoe apa. Dan apa pakeanmoe maoe dibawa sama sekali?”
Dengen ogah-ogahan Liem Sie An saoetin omongannja Hek-kat dengen pendek, kamoedian ia berdjalan masoek dalem kamarnja. Ia benaken apa jang perloe boeat dibawah. Hek-kat poen ikoet bersama-sama. Dalem hatinja kliwat mendongkol, kerna baroe sadja ia maoe boedjoek soepaja ini soeami bikin soerat koeasa, mendadak ia dapet kabar kematian, maka tiada baek kaloe ia tanjaken itoe oeroesan padanja.
„Kaloe toenggoe sampe ia balik, makan tempo brapa lama lagi?” berpikir Hek-kat didalem ati. „Ha, dasar kita poenja oentoeng lagi malang. mendadak sontak ada ini kabar djelek.”
Di itoe hari Liem Sie An tiada enak makan, maski dipaksaken djoega tiada bisa toereen, ia djadi lebi pendiam, melaenken toendoekken sadja kepalanja dengen soesoeti aer mata. Pada sorenja sasoedanja mandi, ia pergi ka toko Hiap Tjiang ketemoeken Thian Pouw, pada siapa ia berkata
„Besok akoe maoe poelang, kau djangan ikoet sebab disini tiada ada jang djaga. Akoe boleh andelken pada Tong Kim Sioe, tetapi roepanja ia
