— 164 —
— „Aneh, kenapa tadi orang bilang ada kapal jang bakal brangkat Singapore?”
— „Betoel, akoe dateng ada sedikit telaat lantaran akoe moesti oeroes koeli-koeli.”
— „Brapa banjak jang kau moesti kirim?”
— „Tiga poeloe ton beras boeat kita poenja langganan di Singapore.”
— „Laen kali kaloe rasa tiada enak, kau boleh soeroe si Thian Pouw sadja. Djangan kau paksaken diri nanti djadi kapandjangan.”
Sasoedanja kata begini Sie An berdjalan kaloear, serta dalem hatinja memoedji aken kasetiaannja ini penggawe. Sebaliknja Kim Sioe berbalik djadi girang, kerna dari omonagannja Sie An telah ketaoean,perboeatannja tadi tiada poatang.
Selagi Liem Sie An maoe berdjalan pergi, mendadak satoe toekang post hamperin padanja dengan terboeroe boeroe seraken satoe soerat kawat. la liat ada boeat adresnja laloe ia teeken dan sowek batja boenjinja.
Kaloe gledek berboeni disampingnja brangkali ia tiada begitoe kaget, tetapi satelah batja itoe kawat keliatannja ia djadi limboeng, dengen pegang dada sendiri ia masoek lagi ka dalam toko dan doedoek dengen toendoeken kepala seperti orang alamken hal jang kliwat soekernja.
Liem Thian Pouw meliat begitoe djadi heran, laloe samperin ini ajahnja maoe menanja kenapa
