— 163 —
oeroes barang barang jang dikirim ka plaboean," kata Liem Thian Pouw.
Baroe sadja ini anak kata begitoe, ia dapet liat Tong Kim Sioe djalan mendatengin dengan lekas. Roepanja ada poetjet sekali, beda dari sari sari, napasnja sengal-sengal seperti abis dioeber setan. Kim Sioe poen djadi kaget meliat Liem Sie An dan Thian Pouw ada liatin ia djalan masoek kaitoe toko. Apa lagi Thian Pouw toendjoek-toendjoek padanja, dalem hatinja berpikir tentoe ini perkara soeda ketaoean, maka dengen tabaken hati maski merasa kikoek, ia doedoek ditempatnja sebagimana biasa dan moelai pegang soeipoa maenken bidjinja ketak ketek.
Liem Sie An laloe sampein ka tempatnja ini Penggawe dan berkata:
„Kenapa kau begitoe poetjet dan napasmoe sengal sengal Kim Sioe, apa kau meriang?”
„Betoel, tadi koetika akoe oeroes barang-barang mendadak akoe rasaken badankoe panas,” kata Tong Kim Sioe dengen hati sedikit legahan. „Tetapi lantaran ada oeroesan toko maka akoe paksaken dioega.”
— „Begimana dengen itoe kiriman?”
— „Pengoeroesnja bilang blon ada kapal, maka sekarang itoe barang-barang akoe tinggalken sadja dalem hanggar.”
