— 158 —
soeda boeron ke Singapore berdoea Koei Ho katjintaannja.”
„Akoe poen ada denger begitoe,” kata Hek-kat, „lebi soekoer kaloe itoe andjing ketjil boeron ka Singapore, kerna kaloe ia masi ada disini tentoe menghalangken boeat kita orang poenja kasenangan, Tetapi sekarang maski si Thian Hok tiada ada disini, di toko Hiap Tjiang soeda ada Thian Pouw jang djaga, sedeng si Thian Sioe tjoema djadi pembantoe. Kaloe diliat begini, oeroesan kita bakal djadi kapiran. Tjoba kau ada poenja akal apa boeat antero kapoenjahan toko Hiap Tjiang bakal djadi milik kita?"
— „Boeat itoe oeroesan ada gampang sekali. Kau boedjoek pada Sie An soepaja ia bikin soerat koeasaken Thian Sioe di toko Hiap Tjiang. Kaloe itoe soerat ada ditangan kita, kau teroesa koeatir apa-apa, akoe ada poenja laen atoeran jang lebi sampoerna boeat singkirken ini rintangan.”
— „Apa akoe boleh dapet taoe apa akal jang kau bakal goenaken?”
Tong Kim Sioe lantes kisiken dikoepingnja Hek-kat dengen plahan, hingga apa jang dikata kita tiada dapet taoe, Tetapi aneh satelah Hek-kat denger roepanja seperti orang kaget, dimana dengen awasin ini kekasi ia berkata:
— „Boeat dijalanken itoe perkara akoe minta ampoen. Betoel-betoel akoe maoe bilang tiada bra-
