— 159 —
ni lakoeken perkara begitoe, kerna kaloe sampe ketaoean oleh politie djiwakoe tentoe djadi tjilaka.
„St! st! djangan kentjeng-kentjeng, anti kaloe orang dapet denger djadi tiada baek. Kaloe kau tiada brani ja soeda, tjoema akoe minta kau boedjoek sadja sama Sie An boeat dapet itoe soerat koeasa,” kata Kim Sioe dengen tertawa.
„Baek djiwakoe, akoe nanti boedjoek pada Sie An soepaja ia bikin toe soerat koeasa. Tetapi ......
— „Tetapi apa?”
— „Tetapi kau djangan moengkir djandji.”
— „Sabenernja Hek-kat, akoe merasa koeatir dengen bikin perdjalanan begini, kerna kaloe perboeatan kita ketaoean oleh Sie An, tentoe bakal djadi tjilaka, maka akoe pikir kaloe kau soeda bisa dapet itoe soerat koeasa, akoe nanti ichtiar laen soepaja kita tiada idoep dengan djalan resia selama-lamanja."
— „Kaloe akoe tiada halangan pada Thian Sioe anak-koe, tentoe siang-siang akoe soeda minta lepas dari Sie An. Tetapi Thian Sioe ada baeknja djoega, kerna lantaran ada dia, tentoe Sie An djadi sajang, dan akoe ada harepan bisa poenjaken toko Hiap Tjiang, dimana kita boleh idoep dengen senang."
— „Gampang sadja, Hek-kat, masa Thian Sioe maoe akoeh bapa padakoe?"
