— 157 —
orang maen petak, jaitoe kaloe Thian Sioe dateng ka Toko Hiap Tjiang dan Liem Sie An ada didalem papergian, ia samperin Hek-kat bikin plesir dengen senang hati dengen tiada sekali takoet pada Allah. Lantaran marika bisa bawanja, maka sebegitoe lama perboeatannja tiada dapat diketahoei.
Pada soeatoe hari Tong Kim Soe poera-poera bilang pada Liem Thian Pouw aken oeroes satoe kaperloean boeat toko Hiap Tjiang, padahal ia pergi ka roemanja Hek-kat. Sesampenja di ini roema, sebagimana biasa Hek-kat telah samboet ini katjintaan dengen girang hati. Antero boedjang dalem itoe roema lantaran takoet sama Hek-kat soeda toetoep moeloet boeat ini perboeatan kedji, ketambahan sering dapet persen dari Tong Kim Sioe, maka tiada heran kaloe Kim Sioe ada didalem sama Hek-kat, ini boedjang- boedjang berdiam diloear sebagi mata-mata jang nanti kasi kabar kaloe madjikannja poelang.
Sasoedanja doedoek Kim Sioe berkata:
„Dari Pouw Teng akoe denger, Thiam Hok telah perkara pada Tjit Mah kerna ini batauw tiada senang hati „anaknja” dibawa oleh Thian Hok. Tetapi akoe heran, dakwaannja Tjit Mah berbalik bikin ia sendiri masoek didalem boei boeat doea taon lamanja. Dan sekatang si Thian Hok
