— 15 —
lajaran dapet angin baek, soepaja kau dan Thian Hok bisa sampe dengen slamet disana."
Itoe waktoe djoeragan praoe kasi taoe bahoea soeda temponja aken brangkat belajar, maka satelah beresken laen-laen kaperloean Nio Sam, Thian Hok dan laen-laen penoempang pada toeroen, dimana kamoedian anak praoe lantes pasang lajar dan toelak praoe kasi djalan ka tenga. Nio Sam dan Thian Hok berdiri diblakang praoe mengoelapken setangan pada iboe dan ma toeanța mengasi slamet tinggal.
Tan Si dan Lie Sie dari darat samboet dengen oelapan slampe sembari sabentar-bentar tepas aer mata kerna merasa sedi soeda ditinggalken Thian Hok, sebagimana biasanja kaloe, iboe ditinggalken anak dalem tapergian, maski itoe pergi bisa ketemoe kombalı sebab boekan ditinggal mati.
Kerna di itoe waktoe angin menioep ada sanget kentjeng, hingga djalannja praoe seperti djoega kreta api expres, jang dalem tempo sabentar sadja soeda kaloear dari plaboean dan keliatan sawat dari djaoe.
Maski Thian Hok merasa sanget girang pergi belajar, tetapi hatinja tiada oeroeng ia merasa sedi soeda tinggalken iboenja ka tempat djaoe.
Dari Bwe Koan maoe pergi ka Siam terlebi doeloe moesti menoempang praoe sampe di Soa-tow, cari tempat mana baroe menoempang kapal ka-
