— 16 —
poenjaannja kongsie Tionghoa boeat teroes ka itoe tempat. Dalem pelajaran praoe ada memakan tempo bebrapa hari kaloe dapet angin bagoes, tetapi bisa djadi boelanan apabila dapet angin djelek.
Tiada berapa lama praoe soeda liwatin djaoe dari plaboean Bwe-koan dan moelai menoedjoe ka Tiaw-haij. Moelai liwatken itoe tempat, praoe djalannja ada sanget ladjoe kerna kabetoelan dapet angin bagoes, maka penoempang-penoempang djadi sanget girang dan pada memoedji didalem hati, kaloe-kaloe ditenga laoetan tiada dapet halangan, jang boekan perkara moestail, lantaran ketioep angin Barat-Oetara hingga banjak praoe pada kaleboe, djiwanja penoempang-penoempang ada teramtjem bahaja ka koeboer didasarnja laoet djadi oempannja ikan.
Tiada lama praoe soeda sampe di Hong Laij Toa.
Pandjangnja kali Bwe-koan ada kira-kira tiga ratoes paal, terapit oleh goenoeng-goenoeng, aer ada terlaloe deras. Di ini tempat orang tiada begitoe koeatir, tjoema jang „dimaloein" kaloe soeda moelai lintasin kali di Hong Laij Toa, penoempang-penoempang moelai djadi ketjil hatinja, kerna disitoe ada banjak batoe-batoe karang besar jang menondjol dimoeka aer hingga kaloe toekang praoe meleng sedikit maenken kemoedi, soeda bo-
