— 14 —
barang pakean dan sebaginja, marika berame pergi ka plaboean, di tempat mana Nio Sam soeda menoenggoe.
Sasoedanja beres toeroenken barang-barang ka dalem praoe, Tan Si dan Lie Sie samperin Nio Sam dan berkata:
„Akoe kirim-kirim Thian Hok padamoe Nio Sam, kaloe bangor atawa bersala ditenga perdjalanan, akoe harep kau soeka adjar dan anggep seperti anak moe sendiri, boeat mana terlebi doeloe akoe membilang trima kasi."
„Boeat itoe hal akoe soeda mengarti, teroesa djoega kau pesen. Tjoema apa kau soeda sedia pakean boeat moesin dingin dan moesin panas, sebab dalem pelajaran kaloe siang ada terlaloe panas, sebaliknja diwaktoe malem dinginnja boekan alang kepalang," kata Nio Sam.
„Akoe ada bekelin dipeti si Thian Hok tiga stel pakean moesin dingin dan sapoeloe stel boeat dimoesin panas; lantarannja maka akoe soeda bikinken pakean moesin panas ada lebi banjak, kerna akoe taoe di Siam panasnja boekan maen," menjaoet iboenja Thian Hok.
„Ja, sebegitoe djoega tjoekoep. Na slamet tinggal."
„Slamet djalan, Nio Sam, berkata Tan Si dan Lie Sie ampir berbareng. „Akoe harep dalem pe-
