— 149 —
Sala satoe diantara ini prempoean hina toetoerken didepan pengadilan ampir saroepa sama ketrangan Koei Hoa, tjoema bedanja Koei Hoa ada lebi disajang oleh Tjit Mah, marika jang laen sanget dibentji.
Apa jang diterangken oleh Koei Hoa dan ini prempoean tjilaka, hakim tjatet satoe persatoe, kamoedian hakim tanja pada Tjit Mah:
„Bermoela angkau soeda dakwa Koei Hoa sebagi boedak belian dari Tiongkok telah minggat, sekarang dari pengakoean Koei Hoa sendiri angkau ada djadi soedagar manoesia dengen ia bisa adaken boekti tjoekoep dan saksi-saksi. Maka atas kau poenja dakwaan akoe tinggal doeloe ka sanping dan moelai preksa aken kau poenja perdagangan. Akoe kasi kau taoe, kaloe kau moengkir dari dakwaan Koei Hoa bisa dipastiken kau nanti dapet hoekoeman berat, kerna wet disini ada melarang pada pemboedakan. Apa betoel kau soeda dagangken itoe anak-anak prempoean belian?”
„Itoe sekalian prempoean poenja pengakoean ada djoesta. Akoe sabetoelnja beli itoe anak-anak prempoean, kerna akoe tiada ada poenja anak. Sampe di Siam ada bebrapa orang maoe ambil Loeat bini padanja, masa akoe tiada kasi?”
„Menoeroet akoe poenja taoe,” kata hakim, orang poengoet anak tiada begitoe banjak, kaloe betoel tiada mempoenjai anak, soeda tjoekoep
