— 147 —
— „Berapa kau dibeli apa kau taoe?”
― „Tiada taoe.”
― „Tempo dibeli apa ada pake soerat?”
― „Itoe soerat akoe tiada taoe, tetapi menoeroet katanja Tjit Mah akoe dibeli ada soeratnja.”
― „Dan kenapa kau sebagi boedak brani minggat dari roema madjikanmoe? Apatah kau diperlakoeken tiada pantes, tjobalah kau bilang teroes terang.”
― „Akoe sebenarnja boekan ada djadi boedak dari Tjit Mah. Betoel dalem soerat akoe dibeli dan di terangken sebagi boedak, tetapi sabenernja sasoeda akoe besar, ia djoeal akoe pada satoe soedagar disini. Ia bilang akoe ada anaknja. Kamoedian ia dagangken akoe sebagi prempoean hina pada segala orang. Itoe soedagar perloenja maoein akoe poenja kahormatan sadja, laen dari itoe tida. Tjit Mah boekan beli akoe sadja, hanja ia beli banjak anak prempoean dari Tiongkok, kamoedian sampe disini ia keteng satoe persatoe pada orang lelaki jang lojar, dimana dengen begitoe boekan sedikit ia dapet doeit dari itoe oewang dagangan.”
Anak-anak prempoean jang ia beli dan tinggal disitoe, siapa-siapa lelaki jang maoe bawah moesti bajar pada Tjit Mah sapoeloe dollar, kaloe tida djangan harep bisa dapet. Kamoedian kaloe ini anak poelang, kantongnja dipreksain, doeirnja jang-
