— 132 —
nga raja jang ada disitoe toentoen tangannja bawa masoek kakamar, dimana kamoedian ia rebaken badan boeat rasaken sakitnja bekas digeboekin oleh kita poenja Koei Hoa.
„Bi......bi......natang itoe anak," kata Tjit Mah kamoedian, ,,ka......ka......loe akoe tiada poe...... koe......koe......l, blon poeas akoe poe......poe... poe......poenja hati. Djangan ka......ka......ka...si dia la......la......ri!”
Mendenger omongannja Tjit Mah, itoe sekalian boenga raja latinja seperti dikitik-kitik, kaloe ia tiada takoet, di itoe waktoe djoega marika pada tertawa besar, tetapi kepaksa ia moesti tahan, maka marika masing-masing pada emposin moeka kasamping soepaja mesemnja jang ditahan tiada keliatan oleh ini batauw.
Orang banjak seabisnja toeloengin Tjit Mah laloe berdjalan kaloear, tinggalken Koei Hoa menangis saorang diri didalem kamer. Dalem itoe kasedian Koei Hoa djadi dapet ingetan aken minggat dari itoe roema, kerna kaloe ia masi ada disitoe, tentoe segala seksahan nanti menimpa pada dirinja, kerna boleh didoega pasti Tjit Mah tiada maoe mengarti dibikin begitoe.
Tetapi ia koeatir nanti Tjit Mah adoeken perkaranja pada politie, jang tentoe djadi djalan perkara, satoe hal bisa bikin dirinja dihoekoem, kerna menoeroet ia poenja anggepan dirinja soeda
