— 133 —
dibeli oleh Tjit Mah. Satelah berpikir pergi dateng Koei Hoa ambil poetoesan biarlah begimana nanti kamoedian, kaloe seandenja ia moesti dihoekoem biar dihoekoem, peroentoengan ada ditangan Allah.
Sabenernja kaloe Koei Hoa taoe wet di Siam ada lindoengken perkara pemboedakan, siang-siang tentoe ia melariken diri dari itoe roema hina. Itoe sebab maski sekarang ia ambil poetoesan tetapi boeat minggat lantaran terpaksa soeda berklai pada si batauw, tetapi hatinja ada sanget koeatir sekali, perkara soeda kadesak jang membawa doedoeknja perkara djadi begitoe, maka dengen lakoe nekat sigra ia boentel pakeannja jang ada sedikit mahal dan segala barang perhiasannja di loear taoenja itoe batauw dan segala boenga berdjiwa jang ada disitoe laloe ia berdjalan dari pintoe samping dan panggil satoe kandaran pergi karoemanja Pouw Teng.
Thian Hok dalem bebrapa hari sakitnja soeda djadi mendingan, lemasnja ampir ilang, tjoema tempo-tempo kepalanja soeka mabok, itoe waktoe sedeng doedoek diloear bersama Pouw Teng lagi tjerita-tjerita tentang kebaekannja Koei Hoa, jang soeda toenggoein dalem sakit sebegitoe lama padanja, ia soeda djadi kaget boekan alang kepalang koetika liat Koei Hoa dateng dengen bawa boentelan dan moekanja koesoet, sedeng ma-
