— 131 —
tauw, kerna maski bertreak minta toeloeng tetapi moeloetnja gigit kaki Koei Hoa, hingga Koei Hoa kepaksa belompat moendoer dengen masi pegangin ramboetnja ini batauw toea.
Si batauw bertreak sakeras-kerasnja saking kesakitan ramboetnja di oeleng-oeleng pergi dateng, hingga orang banjak jang ada diloear djadi kaget laloe memboeroe masoek kadalem itoe roema hina. Satelah ini orang banjak meliat Tjit Man digeboekin oleh Koei Hoa dengen ditonton oleh sekalian prempoean hina, laloe marika dateng pisain soepaja Koei Hoa tiada kasi gamparan lagi pada si batauw jang lebi heibat.
Koei Hoa keliatannja djadi beringas sekali, tetapi dasar adatnja orang prempoean, maski dalem berklaian ia jang „menang” tiada oeroeng ia nangis djoega.
Orang banjak kasi bangoen pada Tjit Mah jang soeda tiada karoean bangoen; ia poenja ramboet djadi aoet-aoetan seperti koentianak, roepanja ia maoe menangis, tetapi soearanja tiada kaloear, kerna moeloetnja tjoema djeba-djebi, tertamba ia poenja moeka jang kisoet, pengliatan pada Tjit Mah itoe waktoe bisa membikin orang djadi tertawa, tiada beda seperti anak-anakan Djepang.
Satelah doedoek sakoetika lamanja, baroelah ia bisa ngomong, dengen soeara terpoetoes-poetoes, menjataken ia poenja mara, ia prenta sekalian boe-
