291
Disitoe orang soeda berdirikan anam kamar ketjil, jang tjoema di riaskan oleh satoe tempat baring-baring jang pendek dan satoe medja ketjil jang tertoetoep dengan satoe koelit tjat, atas jang mana semoea itoe pekakas-pekakas boeat pemadatan ada tersedia.
Papernja di toetoep dengan tikar-tikar aloes jang kasi kasegaran dalem itoe kamar, satoe lantera warna roepa ada menerangkan di dalemnja.
Disitoe itoe orang-orang di Canton jang mampoe dan jang tiada mampoe ada tingal di itoe kamar besaar, datang isap madat jang bikin orang mabok.
Dalem lima menit komedian dari datangnja di itoe praoe kembang, Ming soeda ambil tempat dalem satoe dari itoe kamar-kamar dan berbaring di atas satoe tempat tidoer jang lembek, serta bikin sedia satoe pipa madat seperti orang jang mengenal itoe pekerdjaän.
Djikaloe orang meliat itoe president pengadilan di Canton ada lagi bekerdja dimikian ini, tentoelah orang tiada kira jang besok paginja dia nanti dapet hoekoeman saratoes poekoelan rotan.
Madat itoe tiada di isap seperti tembako. Orang jang soeka madat pangang bolla madat jang aloes-aloes di atas satoe lampoe ketjil dan dapat baoenja jang enak jang bikin dia dapet impian jang senang didalem fikirannja.
Demikian Ming poeter-poeter itoe lidi-besi di antara djaridjinja; di oedjoengnja itoe lidi-besi ada lengket itoe obat poelas jang mahal dan koetika dia rasa jeng itoe madat soeda sampe kras lantas dia taroh itoe madat pada matanja itoe pipa jang panas; dia rebahkan dirinja
