290
ambil padanja, sabelonnja matahari timboel dia tiada kliatan, akan bawa dia ka roemanja kombali.
Itoe praoe kembang jang di datangi oleh Ming boeat pengabisan ada sama djoega seperti itoe laen-laen praoe kembang jang ada belaboe di sabelanja, maka boeatannja ada besar dan pandjangnja ada tiga poeloe lima ello.
Kamar jang pertama di pake beeat trima orang banjak. Oebin dari itoe kamar ada tertoetoep dengan kain laken tebal dan di pingir-pingir dari itoe kamar ada di taroh bangkoe-bangkoe jang besar dengan pake per.
Disitoe ada tempat orang-orang jang datang doedoek sabentaran akan minoem satoe-doea mangkok thee, sabelonnja dia-orang pergi bikin soeka-soeka hati, akan jang mana dia-orang soeda datang disitoe.
Di blakang itoe kamar, ampir-ampir di tenga-tenga itoe praoe, orang dapet katemoe satoe tanga ketjil, jang kasi djalan ka loteng jang lebi di atas, dimana di hadepannja ada ampat kamar ketjil-ketjil jang di riaskan dengan bagoes dan di sabela belakang ada satoe kamar besar jang soeda di sediakan boeat orang-orang main top.
Orang-orang jang ada di itoe kamar besar soeda ada banjak dan soeda toeroet napsoenja sadja, sebab orang dengar itoe ringit dan potongan mas dan perak tiada brenti berboenji.
Ming tiada soeka maen top. Dia kasi satoe tanda, itoe orang jang poenja praoe datang padanja; berdoes itoe bitjara sabentaran dan doea-doea itoe lantas toeroen ka bawa.
