289
praoe-praoe, soeda bikin jang itoe tempat-tempat tingal djadi amat bagoes.
Dari semoea itoe roema soeka-soeka hati, jang seringkali orang-orang Tjina jang kaija dan tiada poenja pentjoerian datang boeat mengisap madat dan main top, orang boleh dengar tertawa kagirangan, djoega ada kloear dari sitoe satoe tjahja trang jang ada bermaen sama aer dan sinarnja djato pada kapal-kapal besar jang ada boeang djangkarnja di sitoe.
Satoe baoe-baoean jang wangi soeda kaloewar dari djendela bersama-sama itoe asep madat dan kadang-kadang orang boleh liat prampoean dan lelaki berdjalan liwat di djendela antara itoe asep madat.
Betoel seperti orang ada dalem kotta jang ada di tjeritakan dalem hikajat „Sariboe satoe malem”.
Itoe semoea tiada di heirankan lagi oleh itoe president. Soeda seringkali dia datang di itoe kotta sebab dia poenja praoe soeda berdjalan troes disitoe seperti satoe tempat jang soeda di kenal, dan atas satoe tanda dari Ming itoe toekang-toekang dajoeng brenti di moeka satoe tangga dari satoe dari itoe praoe-praoe kembang jang di riaskan bagoes, seperti orang-orang jang lebi dari satoe kali soeda datang di sitoe.
Ming prenta orang-orangnja misti bernanti padanja sadikit djaoe dari sitoe; dia naik ka atas, angkat itoe lelangsé dari tikar jang aloes, jang ada menoetoep pintoenja dan masoek dalem itoe gedong madat jangada kembang di atas aer.
Dia poenja hamba-hamba soeda dapet parenta akan
Lawah-Lawah Merah.
19
