2084
seperti anak anakan kentjana roepanja persilaken anakoe doedoek.
Maka laloe doedoekla Indra Maulana atas bale gading bersama sama 2 pahlawannja jaitoe 2 ekor kera Tjatjing Tjoentjai dan Tjoetjak Tjarang doedoek menaharep toeannja.
Maka Pengoeloe Pandan terlaloe amat soeka rasa hatinja ia mendapet anak radja dengan istrinja Sekar poedak laloe membawa poean siri serta di djamoeken makan minoem.
Satelah soeda selese di angkat orang hidangan itoe maka laloe di tanja aken dari mana dateng dan siapa anakenda ampoenja iboe bapa dan apala sebabnja anakenda bisa sampe kemari kerna boekan gampang gampang orang bisa sampe di tempat nene di sini sebab soekar perdjalanannja maka djawab Indra Maulana ja ajahanda adapoen pateh ini tiada terbilang ada iboe dan bapa kerna iboe bapa anakenda tiada ketahoean di mana adanja kerna anakenda tinggal seorang diri pada iboenda dan kakenda di Boekit Raman Giri setelah di dengar aleh Pendita terlaloe amat belas hatinja melihat roepanja Indra Maulana seraja di rangkoelnja seraja katanja adoeh tjoetjoekoe sepatoetnjala tjoetjoekoe sampe kemari ini djika tjoetjoekoe tiada dateng bertemoeken nene ini alangka soesahnja nene menanti sekean lama kerna nene tela di pesen ole Soeltan Taboerat padoeka kaki tjoetjoekoe itoela jang nene harep sijang malem ja tjoetjoekoe soekoer tjoetjoekoe bisa dateng kemari ini
