— 1923 —
matanja ketoetoep.
Valentine dateng dengan sigra.
Maximiliaan poenja moeloet soeda tida berkata-kata lagi.
Maka Graaf berkata: „dia panggil sama nona, lekas, dalem tidoernja dia panggil sama nona, ijang doeloe nona maoe serahken peroentoengan nona padanja, tetepi ijang tertjerei dari sebab kematian, beroentoeng djoega akoe ada bersama-sama aken mentjegah itoe, soepaija boleh menangin kematian itoe.
„Valentine dari sekarang kaoe kadoewa-doewa soedah tida boleh tepisa lagi, sebab dia itoe masoek dalem koeboer dengan segala senang hati, tjoema aken ketemoe lagi sama Valentine.
„Kaloe akoe tida kebetoelan ada bersama-sama, nistjaja kaoe kedoewa-doewa mati; tetapi akoe soedah pertemoein lagi kaoe berdoewa; akoe harep, pada Toehan ijang Maha koewasa trima perboewatankoe ijang baik ini, aken menoeloeng doewa djiwa ijang bertjintahan sanget satoe sama laen.“
Valentine pegang tangannja Graaf dan laloe di tjioemnja dengan hati ijang amat sedih, aken mengoendjoek trima kasinja
Katanja Graaf: „Baiklah, Valentine, akoe trima, akoe djoendjoeng trima kasimoe, ijang akoe soedah dapet toeloeng padamoe. Soenggoeh, akoe perloe sanget mendengar orang bilang trima kasih padakoe, sebab perboewatankoe ijang baik ini. Katakenlah lagi Valentine, akoe merasa oentoengkoe sekarang sebesar goenoeng.“
„Ja, akoe bilang trima kasi pada toewan dengan sepenoeh penoehnja hatikoe, dan kaloe toewan tida pertjaja akoe poenja trima kasi, baiklah tanja sama Haijdee, ijang akoe samain seperti akoe poenja soedara. Selamanja kita orang
