— 1863 —
adanja; baroe dia ada doewa-tiga sekonde di gelap, maka dia bisa liat segala, sama djoega pada terang matahari maka dia kenalin lagi kamar pendjaranja.
„Ja,“ bekatalah Graaf, „liat ini batoe, ijang akoe doedoekin, ini dia legok di dalem tembok tembok tempat akoe senderin sama akoe poenja poendak.
Ini dia masih tanda-tanda darah, ijang moentjrat dari djidat kepalakoe pada soewatoe hari, koetika akoe maoe adoe akoe poenja kepala sama ini tembok, soepaija petjah sadja, sebab akoe soedah ilang pengharepan!
Ini dia nommor-nommor. . . . . . .aai, akoe masih ingat betoel, ini nommor-nommor semoewa akoe bikin waktoe akoe itoeng-itoeng oemoernja akoe poenja papa, aken akoe bisa doega, apa akoe masih bisa ketemoe sama dia apa tida, dan ini nommor-nommor, akoe toelis boewat itoeng-itoeng, apa akoe kaloe kaloewar dari pendjara masih bisa ketemoe sama Mercedes atawa tida. . . . . . . Soedah beritoeng-itoeng begini, maka akoe doega masih boleh akoe beroentoeng ketemoe sama papa. Adapoen akoe tida ingat, ijang lapar djoega bisa memboenoeh djiwa, serta akoe loepa, ijang hati perampoewan bisa berbalik.“
Setelah ija soeda berpikir begitoe, maka ija tertawa dengan hati sedi. Ia seperti liat balem impian, sebagimana kreta mati papanja di tarik pegi kakoeboeran, ija liat djoega Mercedes pegi mengadep pendita, aken serahken tangannja dan dirinja kapada orang laen.
Di laen tempat, Monte Christo dapet batja toelisannja di tembok begini boenjinja: „Ja, Allah ja Rabbi, biar apalah kiranja djanganlah saja ilang ingatan.“ Maka berkata Monte Christo, ja benarlah, akoe toelis ini, seperti minta doa pada
