— 1864 —
ijang Maha koewasa, aken djangan mengilangken akoe poenja ingatan. Akoe soedah tida ingat kemardika-ankoe, akoe tjoema minta akoe poenja ingatan, djangan sampe tergoda, sebab akoe soenggoe takoet aken djadi gila. Tetapi soekoer alhamdoellah, sekarang akoe mardika, serta ingatankoe tida tergoda. Trima kasikoe pada Allah ijang Maha Moelia!“
Selagi bagitoe, maka kaliatan sinar obor, ijang di bawa oleh itoe djoeroe koentji, ijang toeroen dari tangga.
Monte Christo dateng ketoemoein padanja.
„Mari toeroet akoe” berkata si djoeroe koentji.
Dengan tida oesah kaloewar lagi, maka itoe djoeroe koentji, bawa sama Monte Christo masoek di gang ka dalem tanah jang kaloewar di laen gang. Di sitoelah Monte Christo poenja pikran soedah mendjadi kaget lagi. Jang pertama-tama dia liat, ijajtoe garis di tembok ijang di bikin oleh padri Faria boewat taoe djam; abis kaliatan sisah-sisah tempat tidoernja itoe padri dimana dia mati. Barang Monte Christo dapet liat ini, maka hatinja sanget mereras dan sedi sampe ija menangis, bahna kasiannja, dan dari sebab dia merasa djoega banjak trima kasi di dalem hati.
Maka kata djoeroe koentji: di sini tempat tinggalnja itoe padri ijang gila.“
„Di sini itoe anak, moeda dari sebelah dateng bertemoean sama itoe djalanan di dalem tanah, ijang di tinggalin terboeka di sebelah sini.
„Menoeroet warnanja ini batoe-batoe, maka orang-orang alim pada bilang, bahoewa ada sepoeloe taon, ijang itoe anak moeka soeka dateng ketemoein itoe padri. Kasian betoel, sebelonnja dia orang bisa mengomong satoe sama
