— 1682 —
dateng naik di tangga boewat masoek kadalem kamarnja Valentine, ija-itoe prempoewan toekang mendjaga orang sakit.
Orang ijang di dalem roemah, sanak atawa seorang ijang mentjintai tentoe bisa liat, ijang Valentine poenja roepa soedah berbeda sanget, soedah boekan tjahjanja orang hidoep, tetapi itoe baboe tida liat itoe semoewa, dia kira Valentine tidoer poeles betoel.
Sembari ija mengamperi medja tempat obat, maka di liatnja gelas obat itoe soedah kosong, abis katanja : „Baiklah, ijang sakit bisa minoem obatnja sampe abis. “Dari itoe medja ija pergi ka dapoer kompor (kachel) boewat njalain api, abis ija doedoek di korsi males ija tidoer poela, kendatipoen dia ini baroe bangoen dari tidoer, tetapi bahna di kiranja Valentine masih enak poeles, lebih baik ija poen tidoer djoega lagi.
Lontjeng berboenji delapan, eer soewara itoelah membikin dia mendoesiu. Dengen sanget herannja ijang orang sakit itoe masih tidoer poeles tida mendoes-mendoesin, maka ija terlebih terkedjoet meliat tangan orang sakit itoe tergantoeng di loewar tempat tidoer. Baboe samperin tempat tidoer itoe, maka baroelah di liatnja Valentine poenja bibir begitoe poetjet dan dadanja dingin. Baboe baroe maoe angkat tangannja Valentine ijang tergantoeng, tetapi ija merasa sebagimana tangan itoe kakoe adanja, tida lemes seperti sari-sari. Inilah sampe, boewat itoe baboe kasi taoe ijang Valentine soedah tida ada lagi. Djerit si baboe teramat sedih, koetika di ketahoeinja Valentine begitoe, ija lari ka pintoe sembari meminta-minta toeloeng.
„Apa artinja orang mendjerit minta toeloeng itoe?“ berka-
