95
Itoe nona moeda poenja moeka sampe merah.
Katanja Lucien poela: Semoea itoe tida bisa tjotjok dengan pentjarian centoeng seperti kau maoe, ia itoe djadi model, seroepa pentjarian jang orang soedah adjarin padamoe, nona, dengan tida memikirin lebi djaoeh!
Ja, toean akoe tida mengarti kenapa !
Ach benar nona tida bisa mengarti sama akoe, nona poenja ati dan fikiran masih begitoe soetji masih poetih sebagi boenga menoer.
Apakah toean tida bisa bilang bisa bikin terang itoe padakoe?
Ampoen, Toehan, tida bisa. Hormatkoe bagi nona terlaloe besar akoe tida bole bikin nona mendapet taoe hal itoe. Moestail akoe bole kasi taoe sama nona hal jang nona poenja teman sendiri pandang misti ia tinggali diam, tida di tjeritanja?
Itoe nona bertoendoek, dengan aer moeka jang terlebi sedih.
Pertjajalah moeloetkoe, nona, berkata poela Lucien. Djanganlah nona maoe toeroet adjaran orang ini Lepaskenlah itoe pengharepan. Lagi sekali akoe bilang pada nona, tida bisa, nona tida bole djadi model boeat orang orang toekang meloekis gambar. Nona poenja peladjaran, nona poenja kemoedaan nona poenja fikiran, nona poenja ati jang sekalian ma-
