94
dia aken tjerita satoé persatoenja. Sjoekoerlah jang dia tida tjerita.
Soedah nona, djangan ketemoe toean Ramel akoe poen tida nanti bilang padanja jang nona soedah dateng kemari.
Ja, toewan, kasianinlah akoe.
Toean Ramel tida aken trima nona djadi model.
Kenapa?
Sebab nona belon kenal itoe pekerdjaan dan nona poen tida bole djadi orang begitoe jang djadi model,
Akoe poenja teman bilang.
Dia tida tjerita semoea. Tjoba dia soedah tjerita satoe persatoe apa jang satoe model di kamar si toekang gambar misti menanggoeng, soenggoe, nona, kau tida aken dateng kemari. Itoe boekan pekerdjaan boeat orang seperti nona.
Apa barangkali badankoe ada tjelaannja.
Tida, sekali kali tida. Akoe tida kenal sama nona tetapi dari pada omongmoe ini akoe mengarti dan akoe pandang tinggi kau poenja adat pekerti dan pengrasaan ati. Satoe iboe soedah rawatin padamoe dengan katjintaan, ia membri peladjaran jang tjoekoep sekali. Ach semoea njata dari pada nona poenja mata, moeka dan laen laen, nona poenja hati poetih bresih ,,fikiranmoe poen soetji sekali.
