93
Djadi akoe brani-in akoe poenja ati akoe misti tjari oewang.
Tadi pagi soedah tetap akoe poenja maoe, dari itoe akoe dateng kemari.
Apa nona soedah kasi taoe mama apa jang nona maoe bikin? bertanjalah Lucien.
Tida toeau, akoe tida bilang.
Nona tida tjerita padanja apa jang nona poenja teman bilang?
Akoe rasa baik djangan tjerita itoe semoea sama mama.
Kenapa?
Sebab akoe takoet barangkali akoe tida beroentoeng. Akoe tida maoe bikin girang mama pertjoema tjoema.
Begitoe? berkata Lucien sembaring memandang keras matanja itoe nona seperti dia maoe masoek sampe ke dalem atinja.
Lucien berdiam sabentaran abis itoe katanja:
Apa nona poenja teman soedah tjerita satoe persatoe apa jang di bikin di dalem kamar tempat gambar dengan orang jang djadi model?
Tida dia tida tjerita semoea.
Akoe mengarti kenapa dia tida tjerita semoea sebab dia kenal nona poenja adat teramat soesah bagi
