92
Kaloe kau maoe sadja tentoe kau aken bisa dapet oewang banjak.
Djawabkoe, semoea ada baik tetapi akoe tida kenal barang satoe orang.
Dia laloe berpikir sabentaran.
Abis katanja:
„Di kota Parijs ada doea tiga ratoes toekang loekis gambar, akoe sendiri ada kenal tiga poeloe. Bole akoe kirim kau di sana sini di mana orang tentoe trima padamoe tetapi kau aken tida betah, kau tida bisa begitoe.
Lucien berkata pelahan pelahan: „Benar itoe nona, roepanja soenggoe baik ati.”
Djawabnja. O, akoe poenja kenalan itoe memang djoega tida djahat, akoe poen rasa djoega jang dia baik ati, maka itoe dia bilang sama akoe, pegi sadja di roemah toean George Ramel sebab di sitoe tjoema ada sedikit moerid moerid dan semoea orang baik baik jang taoe adat.
Dia kasi taoe akoe roemah toean Georges Ramel. Kemaren satoe hari akoe ajal. Tempat orang bikin gambar itoe sekali kali barang rahasia bagi akoe, akoe tida taoe apa dan bagimana maka itoe akoe masa ajal. Tetapi akoe poenja ma sakit. . . . miskin. . . . . . .
