91
moe día di djalanan besar, soedah ada doea taon jang akoe tida ketemoe padanja Akoe poenja ati sedih, akoe menangis. Dia tanja padakoe apa sebabnja akoe begitoe sedih. Djawabkoe, akoe soedah tjari kerdjaan di mana mana, tetapi tida ada tempat di mana akoe bisa mentjari oewang aken idoep. Akoe toekang mendjait toewan, tetapi sekarang orang tida bisa idoep dari oepah pendjaitan. Semoea toko toko pesan pendjaitannja di roemah roemah miskin, djadi orang seperti akoe tida bisa dapet lagi kerdja-an.
Akoe poenja mama sakit soedah doea taon semoea barang barang soedah abis di gade sekarang kita tida ada oewang tida ada makanan. Ini semoea akoe tjerita sama temankoe Dia kesianin akoe, doeloe dia djoega djadi toekang mendjait maka dia adjarin akoe aken djadi model sadja. Kaloe akoe beroentoeng akoe bisa dapet doea poeloe frank seharian.
Akoe tida mengarti apa itoe djadi model, tetap dia kasi keterangan padakoe dia bilang orang orang toekang loekis gambar perloe pake model jang idoe seperti orang lelaki, orang perampoean anak anak boeat djadi tjonto aken gambarnja.
Akoe tanja padanja. „Kau kira akoe bole di pake Soedah tentoe sekali, kau poenja roepa tjakep elo dan tjantik, dandananmoe bagoes ramboetmoe penoe
