84
boetnja bagoes tebal, idoengnja alisnja kaja di gambar, bibirnja kaja gintjoe giginja seperti moetiara pilihan matanja menjataken baik atinja.
Sorot moekanja poetjat pipinja koeroes njata romannja seperti orang jang malarat soenggoe.
Pakejannja soedah lajoe boenga kendati begitoe djoega masih bagoes njata potongan badannja.
Tingkanja pendiaman, rada maloe maloe. Dia gemeteran, kasian, tempo dia bediri di sitoe.
Itoe sinjo sinjo moeda njata girangnja meliat satoe nona begitoe bagoes tetapi dia orang en djoega dapet liat sedihnja anak itoe.
Satoe moerid berkata: "Lagi satoe jang dateng boeat minta djadi model. Tida brentinja, Kemaren dateng satoe sekarang lagi satoe, tetapi ini tjakep betoel.
O! dia menggilain orang.
Itoe sinjo jang boekain pintoe tadi, roepanja maoe loetjoe loetjoean, dia mendjoera di hadepan itoe nona seperti orang mendjoera di hadepan satoe ratoe serta katanja:
„Selamat dateng njonja! njoja liat di sini semoea anak anak moeda jang kepingin sekali trima njonja dengan hormat jang wadjib di brihken pada ratoe ke elokan.
