83
Lagi poen dia kaja besar sebab dia kawin sama anaknja graaf de Soleure, nona seorang orang sadja.
Itoe anak anak moeda jang bekerdja djadi moeridnja toean Georges Ramel, wah nakal sekali apa poela kaloe toean Georges tida ada di roemah dia orang ampir tida bekerdja, tida brentinja mengotje sadja tertawa tawaan saling ganggoe dan laen laen
Sekali peristiwa abis toean Georges priksa masing masing poenja kerdjaan dan soedah ia adjarin ini itoe bagimana dia orang poenja loekisan misti di bikin maka pergilah Georges tinggalin anak anak itoe sendirian.
Wah, ramenja di kamar itoe anak anak moeda boekan maen orang tertawa tawa, tjerita segala tjerita loetjoe loetjoe.
Sekoenjoeng koenjoeng selagi rame begitoe kadengaranlah soeara orang ketok pintoe.
Aai, ada tetamoe, berkatalah satoe.
Semoea lantas berdiam, tarik moeka seperti orang jang bekerdja berat sekali, jang paling moeda boekain pintoe.
Satoe nona miskin ada bediri di tjeratjapan pintoe oemoernja tida lebi dari toedjoe belas taon pakeannja baik baik djoega tetapi moekanja, adoeh, tida ada kedoeanja begitoe tjakep elok dan tjantik ram-
